2016年9月24日 星期六

炎天丼 (平正天婦羅)

人均消費:HKD$50

今日踩單車時經過呢間大埔新開既日式天婦羅店,佢Lunch 都唔少人,咁我就夜晚還車後再食。結果,Dinner 時都係咁多人,佢間舖都唔係大,只係得幾張檯,所以等位就耐左少少,我就坐Bar 檯,可以睇住佢點炸天婦羅。

2016年9月21日 星期三

樹屋泰菜 (街市串燒)

人均消費:HKD$66

兩個人食飯,相約係旺角,成個旺角都好食同平既都係到厭,好辛苦咁搵埋,最後上左熟食市場,話晒都係熟食市場,點都有野食,不過好唔好食又係另一回事。今日我就去左間泰式野,舖面同其他都係差不多,但佢D椅係木造,同其他店好唔同,我又見到佢又係好大鑊氣,咁就幫襯佢。

今次推介 ─ 燒雞全翼 ($42)

2016年9月11日 星期日

津津食店 (西環無乜野好食)

人均消費:HKD$42

當一個區無野食,只要你有食店,佢就已經可以係當區既美食,呢個可以用地利解釋。就好似今日,我夜晚去到西環,就openrice 下有乜好食,見呢間有唔少好評,就入左去,心諗$40幾蚊就有好野食,我好有期望咁等食。雖然都只不過係食個豬扒雞翼飯,不過最終都係失望收場。

皇牌飯 ($42)

2016年9月3日 星期六

鐵牛台灣牛肉麵 (偽臺灣風情)

人均消費:HKD$58

呢間嘢喺尖沙咀剛剛新開張,我仲見到謝偉俊,佢食左乜我就唔知。話晒都係新開張,都要排下隊。我都等左3分鐘先有位,我見係星期日,已經唔係遲入座。其實我離座之後,見到有更多人要排隊等更耐。不過我覺得可以唔洗排。

鮮蕃茄鹽酥雞麵 ($58)