九拾後 (屋企風味煲仔飯)

人均消費：HKD$38

你聽過名叫做90後，你可能以為係一班90後開嘅餐廳，咁你就大錯特錯。其實呢間餐廳係由師奶開嘅，仲有少少屋企風味。佢既價錢定位都比較上適合。佢一個煲仔飯都係三十幾蚊，相對起永合成，四季，坤記呢d出名嘅煲仔飯，呢間的而且確係好平。窮人恩物。

今次推介 ─ 窩蛋牛肉飯 ($38)

一個窩蛋牛肉飯，其實你可以見得到佢嘅牛肉嘅份量係相當之多，見到佢鋪面嘅情況，佢既份量都好足夠，一個正常人都係好足夠。講番啲牛肉，咁佢嘅牛肉本身呢都比較上薄片而且腍。所以你可以講話幾好食。我個人都推介你去試一試呢間個窩蛋牛肉飯。

加上呢一間去大角咀嘅小店，其實都好接近旺角，都唔係好隔涉。

呢間餐廳嘅款式相對地少，佢就算係煲仔飯嘅選擇亦都唔係好多，得幾款，而麵都唔係好多種。佢既餐牌上面差唔多每一款都會有張圖，佢會放咗喺佢自己嘅牆身上面，唔洗自己上Openrice 睇相。

好：質素同價錢都好合理

光顧日期：17 June, 2016

地址 : 大角咀鐡樹街9號地舖
Openrice : http://www.openrice.com/restaurant/sr2.htm?shopid=190169

我個Facebook 會經常Update，可以Like 埋。 Facebook Link。