2015年5月30日 星期六

火星料理 (足料韓國人既菜式)

人均消費:HKD$75

觀塘被市X局大力發展,呢區野食已局上廠廈,但好多餐廳都做到好貴,達唔到去廠廈食平野既目的。觀塘廠廈野食五花八門,乜野食都有,今日我就去左食韓國野,呢間野既款式

呢間野叫火星料理,唔知係唔係受到《單身男女》影響,所以覺得火星係勁D,好少有咁強既名。佢既野食又真係唔差,首先講下宜家香港既韓國野,都係好多人有情誼結去金巴利道一帶(下稱韓國街)食,但你可以睇番韓國街D野係一D都唔平,食既野仲要唔係好得,食完分分鐘劣評。但呢間火星野食方面都好正,味道唔係一味靠咸,佢又唔係一味靠辣。

今次推介 ─ 豬肉雜菜拌飯 ($75)

佢個豬肉雜菜拌飯,大細係1.5個大人既份量,我order 左之後,先發覺好多檯客都食唔晒,要打包拎走,呢個問題好嚴重,所以如果大家唔係咁大食的話,可以考慮叫少一個飯喇,試多D野為目標。講下野食質素先,佢唔係一味死辣,佢既豬都腍身,佢既拌飯醬都唔係話好辣,可以接受到。肉質既份量都唔少,飯就更加不在話下。拌飯既菜都係一般,佢又唔係特別爽口既,芽菜都有少少,不過我就嫌佢唔夠多。不過整體上佢應有則有。

牛肉海帶湯面 ($75)

先講下佢既面先,佢似係上海麵既麵身,唔係公仔麵都已經好好,話晒部隊鍋都係公仔麵,所以今日係上海麵都OK。再講下個海帶湯面既料有兩隻青口仔,都係老左少少,不過都可以接受,另外牛肉方面就超多,多到係食唔晒。


前菜任食,你食完可以叫佢任加,食佢泡菜都已經好正,話晒佢係韓國人主理,泡菜既爽口,又清。


Menu,可以放大圖,佢大部份既晚市都係$75~$80,仲要唔加一。



佢既炸肉都唔係好貴,價錢其實都算平,但就最好多D人一齊去,咁你先可以試多D野。
但我今次就唔多人去,所以就只係食左D正常飯麵。


野飲方面都有韓國野飲,佢又唔係收得好貴,$8罐,超有良心。


光顧日期:30 May, 2015

地址 : 觀塘開源道54號豐利中心5樓507室
Openrice : http://www.openrice.com/restaurant/sr2.htm?shopid=439293

我個Facebook 會經常Update,可以Like 埋。 Facebook Link

沒有留言:

張貼留言