孖沙茶餐廳 (emoji 叉燒蛋飯)

人均消費：HKD$29

男人的浪漫，就係去食茶餐廳，但都唔係間間茶餐廳都係好，今日去食既孖沙茶餐廳，佢既叉燒太陽蛋飯，係用上三隻蛋去整，你可以話蛋白質都好full，營養高啦，之前有食客食完後，post 左張相上網，叫做三眼仔飯，就係因為佢整三隻蛋時排成一直線，個樣似足三眼仔，就係因為果張相，所以我都去左幫襯。我今次都好好彩，食到佢係貌似emoji咁，可以話係一餐未食就先驚喜既餐廳。佢又好好生意，下晝一點左右就賣晒叉燒，但蛋就無咁快賣晒，你都仲可以食個餐肉蛋飯。但我都係會推介你食叉燒蛋飯。

今次推介 ─ 叉燒太陽蛋飯 ($29)

佢一向都係做開中上環既生意，星期日可以話係無客到，所以佢都休星期日，加上佢又咁平，中上環可以食到咁平都好難得。講下佢既服務先，叫你開始落單到碟飯上檯都係五分鐘內既事，乜都快，好啱我呢D趕時間既人。

佢既飯都係一般飯啦，熱哄哄；豉油油就一定好夠色水；Size 又好大，一個人都未必食得晒，如果你係細食既就同佢講少飯；叉燒，有成十幾廿片，超多，加上叉燒都腍。好好食，啱晒我呢D好餓既人。偵錢都係$29，講到呢度，仲等咩，快D去食啦。

去之前留意佢開門時間，平時星期一至六: 收6點；星期日及公眾假期: 休息。

光顧日期：25 April, 2015

地址 : 上環禧利街23號地下
Openrice : http://www.openrice.com/restaurant/sr2.htm?shopid=9985

我個Facebook 會經常Update，可以Like 埋。 Facebook Link。