韓國媽媽 (即叫即整地道韓食)

人均消費：HKD$53

係香港食韓國野，宜家主要都係食烤肉，但又咁講，韓國其實都有好多野食，唔係一定開係尖沙咀韓國街(宜家都差左好多)先有得食，一D小店都唔錯，即係好似你去到韓國，你都未必會去大型商場食同一道理。

呢間小店位處旺角附近既大角咀，呢區平時食野唔太貴(相對旺角)，交通又方便，約人又容易，所以我都幾鐘意呢個小區。今次呢間野既優勝在於勆既紫菜飯卷，佢好似韓國整法，紫菜同紫菜中間係有個空隙，但又同日式小卷唔同。

呢間野係小店，佢會係係面前整野食，每個Step 你都可以睇到，佢落幾多油，你都一清二楚，好有家庭Feel。

今次推介 ─ 紫菜飯卷 $25

佢同韓國既整法差唔多，佢既紫菜同紫菜中間都係有空間，勁似韓國整法，佢仲要係原條上，等你自己分開食。超有地道食法。為左影相，我自己分番開佢，影出黎好睇DD。因為佢夠地道所以我都幾推介，加上一條佢都係講緊$25，係韓國街食，一個Double 啦。由此，我真係唔係好鐘意去韓國街食貴野。

韓式炸雞 $35

我個人覺得呢個韓式炸雞又其實麻麻地，佢表層炸又唔係好炸到脆，但都用上好多油，呢個好似KFC 既唔辣雞既炸法，炸粉少，但唔脆，所以可以唔食。以佢既價錢計，$35又可以接受。韓式辣醬，就都係辣既，不過都係少辣，唔係好辣。

正宗豬肉炸醬麵 $45

去香港既韓國餐廳食野，咩部隊鍋或麵，個麵身好大可能係即食麵，所以我出街都好少食部麵類或部隊鍋。今次我食呢個係因為見到佢點整俾隔離檯食，我知道佢唔係用即食麵底，咁我先放心叫落去，佢用上粗麵，個炸醬略咸左DD，都可以接受既。但佢既醬又係特色醬，食完當然想encore 啦。

套餐Menu

睇完呢個套餐Menu ，Menu 係貴過普通Menu，所以我都係揀左普通Menu，平都幾多，我又唔會同錢鬥氣，可慳則慳

正常Menu

佢正常野都係$50左右，如果你多一個人食，你可以叫一至二個小食再加一個飯或麵

光顧日期：15 March, 2015

地址 : 大角咀大全街13號大有樓地下A鋪
Openrice : http://www.openrice.com/restaurant/sr2.htm?shopid=174714

我個Facebook 會經常Update，可以Like 埋。 Facebook Link。