近期熱話都係好多舊式小店都敵唔過貴租而執笠，呢個時代巨輪太恐怖。舊式食店可以做到今時今日，過得到沙士，D野食差極有個普。叁去壹係一間茶樓仔，但佢Sell 既野，可以媲美大酒樓，不過地方就預左唔可以同酒樓比。
薄扶林道，就好似彌敦道咁長，住係港島西區或南區就一定聽過經過同去過。附近仲有間大學，係邊間就係香港人都識既香港大學。但超好彩既係呢間野同好多舊式酒樓一樣，以裝修吸引，佢用食物吸引你。
佢既點心唔係分左好多個價錢，食野又唔洗吸點心卡，好多特色都唔係宜家D酒樓有。
佢個班腩炒麵個麵底係我咁多年食既最脆既麵底，食左好耐，D麵都未腍晒，佢已經打晒汁，但食極都脆，我真係想問下師傅係點整。其他配料都係正常野，個麵底做得太出色，都係一句，食過會翻轉頭既。
蝦餃 ($13)
出面食籠蝦餃，一係頂點，一係特點。今餐，$13一籠有4隻，熱到震，仲要係鮮蝦，塊皮又唔厚。正。
叉燒腸粉 ($14)
呢個就差DD，D皮太厚了，再者，碟叉燒腸粉佢都加左勁多油，等佢唔好黏底。叉燒都叫剛剛好，不過不失，呢間既腸粉可以不吃。
馬拉糕 ($11)
呢間野都出名馬拉糕，以前既整法係鬆化D，我都唔知點解。呢碟野已經凍左，都仲係好鬆化，平時食既時候就睇準係啱啱出爐先敢叫，費時佢凍左，但今日呢個食落同望落都知佢凍左，我都敢叫，好在真好食。
以今時今日既物價，呢間野好抵食
全部點心劃一價錢，食完埋單。
好：平，同麵底好食
壞：營業時間又係晨咁早開，又晨咁早收
光顧日期：12 July, 2014
地址 : 西環薄扶林道11號
Openrice : http://www.openrice.com/restaurant/sr2.htm?shopid=17821
我個Facebook 會經常Update，可以Like 埋。 Facebook Link。
沒有留言:
張貼留言