講下Background 啦，佢呢間Dazzling Cafe就係見到咖啡弄係香港咁成功，咁就過黎開間分店，賺下港紙啦，又好驚衰，所以就係香港「試業」，時間就好多時去到下晝五點就收皮，想幫襯都唔易。佢呢間Sell 都係Sell 吐司盒，又少少似茶木，但一定好食過茶木好多，話晒都係正宗台灣野。
佢呢間寸咀野當然乜都寸D，服務員都要講普通話，但如果見到台灣妹講普通話，你都可能唔會太介意同佢地講幾句。排隊方面就無tips，都係早D去拎飛，之後再去行街，半個鐘左右返去一次，咁就差不多，一日派250張飛，walk in 係有，但唔sure你有無檯。
再者，佢又係好似咖啡弄咁迫你Order 野飲，一入門口已經同你講左，仲問你有無問題，好明顯佢就係驚你唔Order 野飲，又驚犯左商品說明條例。超高招，搞到即時要叫野飲。
今次推介 ─ 蜜糖吐司 ($85)
上檯時，服務員會叫你先拍照，然後再叫佢地黎切開會盒，佢仲會Server埋你，分埋俾你。好明顯食Service。但個多士盒我嫌太甜，因為佢塊多士已經加左好多糖，之後仲有吉士醬同Häagen-Dazs雪糕，樣樣都好甜，其實就有D over 左。
我會話佢係甜，但佢既吐司就真係好食，同個Design 唔係好多間做到。呢個先個俾咁多錢去食既原因。仲有個吐司食到尾都仲係好鬆脆，呢個先難得。
有D椅係有隻兔子耳係上面，咁唔知你好唔好彩可以坐到喇。
閂門後就係咁，道閘都靚D。
特調冰茶 ($38)
佢就話呢杯特調冰茶係香港分店既特式，其他分店係飲唔到，不過似藥水，但個味道都尚可接受。但同杯洋甘菊香蘋茶黎比，特調冰茶已經算好飲。但佢一早講明要Order 野飲，所以呢杯都係一個選擇。
洋甘菊香蘋茶 ($42)
都係一杯花香味超重既蘋果茶，但佢個蘋果味唔係好濃，不過你得90分鐘去坐，其實食完個吐司就已經好趕，點欣賞杯茶呢？
Menu
佢個Menu 同台灣Menu 個Design 係一樣，只係改左個價錢位。
佢既多士都有幾款，一款係分三層，分三層就好多人都可以去茶木食，但Dazzling 呢個分三層既多士，我個人覺得個Cream 會多左DD，所以都係蜜糖吐司或士多啤梨吐司好D。
埋單 $181.5
當中有$88係D野唔好飲既野飲，如果佢可以唔洗Order 野飲會更好
壞：佢迫你叫野飲，但野飲就唔係真係好好飲
光顧日期：29 June, 2014
地址 : 尖沙咀彌敦道100號The ONE L3樓22號舖
Openrice : http://www.openrice.com/restaurant/sr2.htm?shopid=173559
我個Facebook 會經常Update，可以Like 埋。 Facebook Link。
沒有留言:
張貼留言