金坊泰國美食 (名過於實既腥爆難食泰國野)

人均消費：HKD$73

荃灣係一個話多野食又唔多，但亦唔係少野食既地方，但你一上Openrice，你就知道荃灣區頭幾名好評既餐廳都係大型連鎖餐廳，即係多野食，不過唔太好食。荃灣，其實地理上佢可以算得上係香港既中間點，約新界既朋友尢其係啦。講到荃灣，成日都見到大排長龍既就係金坊，佢係咁開分店，但都係好多人去食，我都唔知點解，話晒都係泰式野，無理由唔去九龍城食。

今日見有時間，所以先敢去食。我七點三去拎飛Walk In，再去行下荃灣區，一個鐘後返去，未得，又再去行下，半個鐘後返去，都仲未得，但又好似就到，唯有罰企到九黠半。由食夜晚變宵夜。已經肚餓，望見個Menu，超吸引，即落Order

雜錦拼盤 ($86)

佢Menu 上既拼盤係超吸引，個春卷有直排同橫排，但上碟時係求其放囉。Menu 上色澤係金黃色，上碟時，唉，我都唔想講。有圖你自己睇。佢既野食就真係好麻麻，如果唔係咁多人排隊，我都唔會等。魚餅係腥既，差。賣相差到爆既蝦餅，我真係未食過堂食蝦餅係唔脆，呢個拼盤，真係想叫佢回水。

炒金邊粉 ($60)

食完個難食到爆既拼盤後，佢再黎個炒金邊粉呢個都算係咁，不過佢既酸醬唔係好得。太酸，完全係酸到震，食左兩個，我都唔敢再食落去，我唯有走人。

Menu

圖片僅供參考

本Menu 的確影得幾靚，但碟野一上檯就見真章，見番係差好遠。

壞：等完又唔係好食咁先死

光顧日期：17 May, 2014

地址 : 荃灣荃興徑13號地下
Openrice : http://www.openrice.com/restaurant/sr2.htm?shopid=19494

我個Facebook 會經常Update，可以Like 埋。 Facebook Link。