味佳居越南餐廳 (蔡瀾越南粉)

人均消費：HKD$40

尖沙咀廣東道由放寬自由行後，就已經少左行，一來唔想同佢地迫，二來，D野都好貴，想買都買唔起，咁不如唔好行。返工放工經過就算啦。

今日食既呢間野，就係有蔡瀾Promote。好多時，蔡瀾Promote親既野，都唔係十分正，都有好多野比佢更好食，但今日我又再一嚐蔡瀾推介既越南粉。今日呢間係樓上舖，呢間野，lunch 都係做開海港城既客，但夜晚就唔係好多客，我甚至可以獨佔一間餐廳。一晚都唔係好多檯客，Service 都超好，上菜速度勁快，由落單到碗野上檯，三分鐘有找，我仲擔心緊D牛肉熟未之際，望到片牛都已經唔係好紅既時候，我都照食。

生牛肉湯粉 ($40)

牛肉既肥瘦度就超好，唔會太肥，唔會好似吉屋企咁肥，但又唔係滑牛肉咁荏。佢既厚薄又唔係超薄，都尚算有質感。佢既生熟程度都係剛剛好，三分鐘都已經好好，唔會過熟。咬口都幾腍。湯底就係一般越南粉既湯。佢都唔係話唔得既，但7分好食。

如果平日又想靜靜地食餐飯，唔想咁多人嘈住，或者同朋友gathering，呢度真係無乜客人，你鐘意點傾都係你既事。但唔好既就食D staff 太得閒，你眼望我眼咁囉。

好：勁好Service，上菜效率超高
壞：樓上舖就唔係咁易搵到

光顧日期：2 April, 2014

地址 : 尖沙咀廣東道82-84號流尚店9樓
Openrice : http://www.openrice.com/restaurant/sr2.htm?shopid=14341

我個Facebook 會經常Update，可以Like 埋。 Facebook Link。