2014年4月22日 星期二

神虎拉麵 (灣仔既足料日式拉麵)

人均消費:HKD$78

灣仔,呢區都係旺中帶靜既區,平時日間都係office,但夜市就差少少。上排睇開Openrice,見到神虎長期高據排行鎊首位,唔知係咪有打手去幫佢手既,但我自己一食,就知佢既湯底真係唔野少。食好野,排隊是常識吧,呢間野食夜晚居多,係灣仔區黎計都算突出,預六點幾好去排,晏D門口大大隻字話湯底賣晒,唯有明天請早。

拉麵係香港已經落地開花,熱潮已經無上年咁heat,好多拉麵店都開分店,但佢地都係一個共通點,就係個湯底,點解可以整到個湯底呢?呢個問題我成日都想知個答案。神虎其實都係Sell 湯底。佢既湯係豬骨湯仲要係好骨膠狀,有D似拉麵來,但無拉麵來咁咸同濃味。

今次推介 ─ 黑虎 ($78)

我係香港食左咁多間拉麵,始終都係覺得個豬骨湯先係最好食。但今次有少少唔同,呢間既黑蒜味同豬骨味都重豬骨,而黑蒜味又唔係好濃,唔會蓋過左個豬骨湯。再者,香港食拉麵,十次有八次食完都唔飽,但今次食完,真係有飽既感覺,呢間at least 係足料,叉燒唔係薄,仲要係大塊兼厚身,加上佢一D都唔肥,但仲要係腍叉,呢個item 真係好難得。麵底又夠大。食一麵真係好夠。

各方面加埋,我下次真係會再去,但都要等佢少D人排隊先,又或者平日六點鐘可以去到排隊囉。


佢有正常豬骨,黑蒜同辣味,佢個豬骨同黑蒜都可取


佢既麵身可以俾你揀要粗麵定幼麵,呢層其實唔係有好多間可以咁揀。其他野都係有得俾你自己揀,呢層可以自己校啱自己既口味。


佢有一張大檯,之後大部分都係Bar 檯,如果一班朋友一齊去,呢間就唔係一個好既選擇。


好:湯底夠骨膠狀
壞:要排隊

光顧日期:22 April, 2014

地址 : 灣仔廈門街23號
Openrice : http://www.openrice.com/restaurant/sr2.htm?shopid=164090

我個Facebook 會經常Update,可以Like 埋。 Facebook Link

沒有留言:

張貼留言