金鳳大餐廳 (舊式香味牛扒之家)

人均消費：HKD$77

香港食個扒，個扒同環境又要似番少少樣既餐廳，有時可以叫到成舊水一個扒。舊式扒房不失為一個好選擇，你可以咁諗，以今時今日既貴租，舊式扒房如果生意唔好，一早就執左，留得係度既，又有幾多會係差呢。

今日行過荔枝角道諗住食水餃，點知未行到水餃店，就發現呢間舊式扒房有勁多人排隊，咁我平時又食開野，就周圍睇下聞下，就知好野。一入間餐廳，扒既味就即時進入左個鼻。未食就已經知道佢點解咁多人排隊入座。

呢間野我眼見好多人等位，但我又唔係等左好耐，因為佢set 左要等齊人先可以入座，咁排係我前面既人，多數都係未齊人，所以就要再等過。所以大家如果想約朋友去，唔該等齊人，你先好行過去，否則又係要等多次。

今次推介 ─ 西次扒 ($77)

先下佢既唔好先，佢個紅湯就真係超級唔得，非常咸，我未飲到一半已經停左口。如果你想咸死既，你大可以繼續飲。不過我recommend 你唔好飲。再講個包，只係一般既大細，但都係用焗爐番熱，可以一試。

講下個扒，我叫左七成熟，佢上檯時都無七成，如果你話佢既腍度，其實都有七分，唔難咬，但我縑佢既份量就剛剛好(利申：我好大食)，不過如果你唔係好似我咁大食的話，呢個餐你一定夠係飽。

講下佢既唔好處先，就係太迫，如果你想坐卡位，你減定肥先好去，話晒佢都係做生意，梗係想多一個位得一個位，所以如果佢有中間大圓檯，我寧願搭檯，都唔想叫你坐坐卡位。

師傳好似話有成幾十年既功夫，但食落佢又唔係好特別

蔡瀾之前都有食過

門面

食完出黎，你成個人好似成塊牛扒咁香，如果你件衫都幾吸味，咁你就唔好入去。

好：香味好勁
壞：太迫

光顧日期：9 January, 2014

地址 : 太子荔枝角道102號金鳳樓地下
Openrice : http://www.openrice.com/restaurant/sr2.htm?shopid=1548

我個Facebook 會經常Update，可以Like 埋。 Facebook Link。