美味餃子店 (特式菜脯)

人均消費：HKD$33

餃子，我相信大家無人未食過，祖傳係中國北方人食餃子，搞下搞下，日本人，韓國人都有餃子，其實就各具特式，有D可以做到皮薄，餡靚。我今日去番太子超出名既餃子店，佢出名既係個湯底，用上生魚野菜葛湯，個湯齋飲已經好清甜，唔洗食D餃子都已經好夠，如果你食晒D餃子再飲埋D湯，其實咁都夠一餐份量。

聽人講話佢既生魚野菜葛湯有少少藥用價值既材料去煲，有去濕、清熱、解毒之效，飲完個人仲要好滋潤。

呢間野設有最低消費，每位$20，唔好諗住兩個人食一碗，點計，你都要加多個野。所以要試迎野，最好唔好咁飽去。

韮菜餃拼雲耳餃 ($33) (10隻)

先講下佢既餃子，絕對談唔上皮薄餡靚，只係D配菜夠正，個湯同菜脯醬先係精髓。佢間野有湯餃子同煎餃子，如果湯餃先至有生魚野菜葛湯，煎餃就無湯，所以你問我，我一定食湯餃。佢既煎餃都唔係好特別，所以可以唔食。

呢間野除左辣菜脯醬，超野味，話晒都幾辣，就算係一個唔係咁食辣既人都會愈食愈勁。我都覺得佢既菜脯醬really 好吸引，我都一定會再去，有好大%係因為佢呢個野味菜脯醬。

佢出名既係白菜餃，睇下你好唔好彩，因為聽隔離既朋友講話佢既白菜餃要一早先有機會食到。我今日黎食宵夜既，係一定食唔到，下次要早D黎。

呢間野好既地方係個太子爺認人好叻，大把熟客base

好：個湯超清甜
壞：其實隻餃子一般

光顧日期：20 January, 2014

地址 : 太子荔枝角道88號鑽發樓地舖
Openrice : http://www.openrice.com/restaurant/sr2.htm?shopid=14613

我個Facebook 會經常Update，可以Like 埋。 Facebook Link。