月禾居 (新開有Heart 日本居食屋)

人均消費：HKD$36

旺角食野好多時都係食連鎖野foodcourt，一係就女人街兩旁，當你食到唔知想食咩既時候，可以去下黑布街附近，話晒HESHEAT同奶奶雞或者萬發都係好野食既地方，呢幾間都係黑布街一帶，宜家附近多左好多好野食。今日去到見到新開張，又係聖誕，食好少少都唔係好過份。

本住一試無妨既心態去食，仲諗住今晚食個聖誕大餐，所以lunch 都唔係點食得多野，叫左個叉燒拉麵同鯖魚定食，各有汽水送，仲要一D都唔貴，相比起港島動輒都$50，呢餐又野食又有野飲都係$30幾蚊，你仲想點。

今次推介 ─ 叉燒烏冬 ($34)

碗烏冬一上檯，我第一時間睇下有乜食，一個$34set，有前菜，有烏冬，又有野飲，一句超價。夾起舊叉燒，半肥瘦叉，肥瘦分布平均(見下圖)，同日式拉麵既叉燒肥瘦程度相約，再加埋兩舊各半塊叉燒，加埋就好大塊叉燒，個口惑一流，我個人比較like 瘦叉，但有時都會好「鞋」，但呢間舊叉燒唔係入口即溶，又未至於「鞋」，但都算腍，可能係湯上既關係，中等水平。再講埋個烏冬，又係稻庭烏冬煙煙韌韌咁，咬口唔錯。你唔好忘記，你只係俾$34，仲唔洗加一。好食。

鯖魚定食 ($38)

今朝睇完《風起了》後，即時想食鯖魚，話晒佢又唔多骨，D骨又易搵，碎骨又可以食。我叫左個$38set，有前菜，有促有湯，又有野飲，一句超抵。條鯖魚超長，成個盤咁長，再加上一大碗飯，我同朋友講，話我地應該食唔晒，因為份量超多。講番鯖魚肉質，不錯，外層都仲脆，唔燶。可以encall。

好：平靚正，料好，份量夠

光顧日期：25 December, 2013

地址 : 旺角黑布街19號地下
Openrice : http://www.openrice.com/restaurant/sr2.htm?shopid=161238

我個Facebook 會經常Update，可以Like 埋。 Facebook Link。