2013年10月5日 星期六

勝香園 (脆脆包一絕)

人均消費:HKD$38

中環想食平野,去排檔就係一個好選擇一個係士丹利街,另一個就係半山鴨巴甸街一帶(有兩個),中環返工既Lunch 可以$30就埋到單,d野食仲要唔係hea。同d 中環人講起「蕃茄麵」,佢地第一時間就講「勝香園」三個字。但奈何佢既營業時間係星期一至六,由0800-1730,如果唔係中環返工既你,想食到就真係淨係得星期六先食到。

佢「蕃茄麵」出名在於用鮮蕃茄黎整,佢仲會俾埋成個蕃茄你,但只係收你廿幾蚊,想唔多人食就難。足料兼平,一眾中環人又點會唔幫襯。我食完覺得佢個「脆脆」仲好食過個「蕃茄麵」。

今次推介 ─ 檸蜜脆脆 ($11)

我已經好少用推介呢個Term,話晒用得太多會好濫。但佢既檸蜜脆脆真係好食過翠x,翠x成日話自己既奶油豬好食,但始終唔係老細整,又唔係即時上碟,點都唔及勝香園。呢間野既脆脆佢即上檯,上檯時仲熱辣辣又脆卜卜,加左其他味道,好似呢間最出名既檸蜜脆脆就係加左檸蜜,有檸味,更開胃。呢度仲有其他選擇,唔洗齋食奶油。如果你食過呢間既脆脆,有好大可能唔想再食翠x既奶油豬。所以諗清楚先好黎呢間野。

一個排檔坐位數量不足以應付咁多客人,大家都唯有係排檔外排隊。呢間野對面就係九記牛腩,食完呢間都仲可以行過對面食埋個牛腩,想唔肥都難。


蕃茄鮮牛肉蛋麵 ($27)

佢「蕃茄麵」用鮮蕃茄黎整,佢仲會俾埋成個蕃茄你,仲有mini蕃茄仔俾埋你,一般蕃茄係酸,但靚既蕃茄係唔酸。佢既湯第一啖唔係十分蕃茄味,但你可以自己督多縛下D蕃茄,佢既蕃茄味就即時出晒黎。一個蕃茄麵既麵底佢又唔係整到好林身。可能turnover太快,所以未林已經食晒。正。再者,個牛肉就唔係差,都係普通野啦,不過都係好腍身咁。一個字講晒,正。


佢個Menu每樣食物都唔係好貴正常野就$30左右,係中環食個大奸樂都要$40既時候,呢間野就當然係好野啦。

你睇下條人龍就知道佢多人支持

留意事項:營業時間星期一至六至5:30pm (星期日唔開)

好:好食,足料就夠晒
壞:呢度無冷氣,又要排隊,營業時間又唔係咁好

光顧日期:5 October, 2013

地址 : 中環美輪街2號排檔
Openrice : http://www.openrice.com/restaurant/sr2.htm?shopid=10577

沒有留言:

張貼留言