2013年10月24日 星期四

嗱喳街 (仿懷舊特色車仔麵甜品店)

人均消費:HKD$22

上網搵食時就係一個報紙分類廣告,唔睇細字仲以為係一份真報紙,但睇真d,佢係一間餐廳既餐紙,就係呢張圖,吸引我左呢間餐廳。呢間野叫嗱喳街,聽見嗱喳呢兩個字就知佢係食嗱喳麵。再加上個圖上有咁多嗱喳麵既terms,仲唔係食嗱喳麵咩。

一間為位舊區長沙灣順寜道,條街平常人係好少行入去,除左你約左人打邊爐食雞煲,呢條可以話係食街。其他野就無喇。好明顯今次我係專登去食。

餐具

佢清一式公雞,但呢Set 雞就係新Design 的雞,你可以從隻雞既眼睇到。




呢個電話好多人細細個係咁校校下,等好耐先可以打得成一個電話。呢個電話都有唔少回憶。

佢既湯麵底就好簡單,只有兩款,如果你想再加餸的話,佢都係會另外一碟咁上,而果個碟都係公雞碟,我今日都叫左個牛腩,佢個賣相就一般(所以就無影相),食落都好腍。

魚湯麵 ($18)

魚湯麵底,佢自己講就話係大澳出產啦,但我食落又唔係好濃魚味。但佢一碗麵都有幾塊魚腐之類既野係上面,但我食開彈牙魚旦,呢個相對地失色,可能一分錢一分貨掛。


雞湯麵($18)

佢個雞湯麵入面係用雞熬成上湯湯,碗入面都殘留少少雞油。佢一碗麵都有加d手撕雞係入面,雞湯味相對較香濃。材料方面都係好足料。如果你以$18呢個價,呢個雞湯麵係超價。


焦糖燉蛋 (Free)

我地見到佢有個Facebook Like 既活動,就係你Like 佢個Fans Page,佢就送你一個甜品。今次去送就係送左個焦糖燉蛋。呢個免費野唔好以為佢好hea,佢都好creamy,落左好多Cream 落去打左好耐。

加上燉蛋已經整到好凍,等你一叫既時候先再用火槍燒下佢,個面好熱,中間好凍,唔覺十分甜,只可以稱得上係甜度適中,佢選料方面用上比較貴的雲呢拿籽,而平常舖頭用雲呢拿油(比較平)。少左d油份。

個器具都係清一式公雞杯。

免費野都一絕。


餐廳入面,如果影相用埋黑白Mode,個Feel 仲似老店。但其實係新店。



好:佢超有Heart 去經營,無論食物或店舖裝潢。收取平民價錢。
壞:附近街道無野行,同遠

光顧日期:24 October, 2013

地址 : 長沙灣順寜道65號地下
Openrice : http://www.openrice.com/restaurant/sr2.htm?shopid=132198

沒有留言:

張貼留言