2013年10月14日 星期一

蘭香茶餐廳 (荃灣街市豬扒)

人均消費:HKD$40

去到荃灣,大家可以不妨睇下佢地食野既價錢,Lunch 同 Dinner 有時都係差不多所以食Lunch 就唔好去d普通餐廳。揀d出名既舖頭去,但佢地好多時都淨係開上晝至下晝,而夜晚就可以收檔,因為d野都賣晒。你大可以上「開飯」睇下荃灣區,佢地最多好評既餐廳都係連鎖野。要想呢區搵食就真係要睇人龍。楊屋道街市入面有兩間成日大排長龍既餐廳,一間係蘭香,另一間係嘉樂。

蘭香以豬扒出名,嘉樂就蛋出名,兩間星期六日都會有好多人排隊,加上兩間餐廳都好近,所以兩間餐廳加埋一齊既人龍都唔短。蘭香清queue時間相對較快,話晒舖頭都大間D,伙計手腳都快D。所以蘭香抵排D。

豬扒炒米 ($37)

蘭香以豬扒出名,佢既豬扒味道有少少特別,加左DD南乳同咸味,可能佢加左鹽。食落塊豬扒有少少似豬手,但塊豬扒既肉又唔係好似豬手咁「鞋」,既腍亦咸。如果你Like咸豬手就要黎蘭香。但我個人就唔係好Like,所以我都係唔係咁恰當去俾Comment。但只可以講句既係佢既豬扒係同豬手Crossover。

今次推介 ─ 滑蛋蝦仁飯 ($42)

今次推介其實又唔係100%推介,我只係推介佢既蝦,並唔係蛋,先講唔好既,佢滑蛋哄係輕輕炒過既蛋一堆,唔可以稱得上係滑蛋,一D蛋汁都無咁應該唔係滑蛋。

豉油方面,我一向最buy既係蔥油汁或甜豉油。但佢兩者都唔係,佢係用佢既卥水雞翼汁,個味道好fresh,因為超出你所expect,我直頭叫左碗卥水雞翼汁特我慢慢撈,出奇地好好食。但呢個Mix and Match 都係要配上乾米先食。撈飯食就一流。

最後再講最正,我出街食過好多蝦球,蝦仁之類。蘭香既蝦仁係我食過少有既超級爽。講到明爽,即係佢既蝦身就一定新鮮啦。出面食既蝦頂盡都係5分爽,但呢間說有8分爽,仲有少少脆。正。


凍檸茶 (跟餐)

你可以同佢地講你鐘意既口味,例如茶要濃d定點,你自己可以自己去choose。


警署不反對通告書,即係話大隻警察都有可能坐你隔離食茶點


好:蝦就爽口
壞:佢未去到晚市已經收左舖,所以想食就要早

光顧日期:14 October, 2013

地址 : 荃灣新村街36號地下
Openrice : http://www.openrice.com/restaurant/sr2.htm?shopid=10104

沒有留言:

張貼留言