2013年9月29日 星期日

牛一 (抵食Hotpot)

人均消費:HKD$68

一個窮人想打邊爐,想平,就一定係Lunch 時候打。一般$70都可以有得落樓。好多人都講既有牛陣、牛涮鍋、Hitpot,呢幾間勝在多分店,總有一間係附近,但今次我就行開尖沙咀又好耐無行入樂道,唔知間曼聯吧變成左乜野,就見佢變左間打邊爐店,見個價又唔係貴,咁就入左去。入去之前佢叫問定你叫乜野Set,絕對唔會拖你時間。

我都係叫左碟牛Mix豬,一D都唔貴,未計加一都係$62蚊,各有7片肉。佢同牛陣、牛涮鍋、Hitpot差唔多,除左一碟肉外,餐廳中間都有好多野俾你任拎任食。


D肉係薄切,我超Like,因為打邊爐時煮幾十秒就可以食得,仲要唔洗驚佢唔熟。豬同牛都係咁。

餐廳中庭部分有各式丸類,腸,菜類,麵都係任你拎。相比牛陣、牛涮鍋、Hitpot黎計,呢間既野食種類係多過晒牛陣、牛涮鍋、Hitpot任何一間。但價錢就差唔多。



麵線既擺設都唔hea,個樽仲要好靚,我有D唔係好捨得食,我望住呢堆麵線都望左成分幾兩分鐘。

佢地布局,野食既上碟方式我好buy,佢絕對係令你食完個相機都食埋。齋睇個玉子豆腐,用3粒咁擺出黎,絕對係藝術。但你唔好忘記,呢D係任你拎任你食。嘩,食呢餐我有D逐碟計既諗法。因為佢無論擺設,上碟方法都似係。但你真係用$68就可以埋單。


4隻大櫃既汽水啤酒都係任飲。


仲有雪糕機俾你自己裝雪糕,仲有成4隻味,有2款仲係乳酪雪糕。整完仲有埋Toppings俾你加落去,仲要唔計gram,你自己去食乳酪雪糕都要幾十蚊,呢間野又包埋,想點呀。但Compare 出面既牛陣,人地offer 哈根大師既雪糕又係無得比。但呢度係乳酪雪糕加Toppings,話晒食完無咁肥(自己呃自己)。

雪糕有4隻味,分別係雲呢嗱雪糕、青蘋果乳酪雪糕、士多啤梨雪糕、原味乳酪雪糕

有幾10幾20款Toppings俾你加,佢似係乳酪雪糕專門店,但只係打邊爐既一個Corner位。

Menu

其實呢間野,你最平可以用$64埋單,如果想食得好少少就俾貴少少。不過呢間野,你連第一碟肉都未食晒,你自己已經會出去拎野食拎野飲。所以真係唔洗揀個貴Set。


好:平靚正

光顧日期:29 September, 2013

地址 : 尖沙咀樂道32-34號1樓
Openrice : http://www.openrice.com/restaurant/sr2.htm?shopid=144102

沒有留言:

張貼留言