食記餐店 (回味兒時美食)

人均消費：HKD$29

以前地鐵興建南港島線時又話過鴨脷洲大街有好既小食。見今日抽起條肋就入左去虐呢間野，鴨脷洲大街位置就偏僻左少少，平時要去真係要搵路先去到。但小食呢家野我話like 時可能你唔like，今次寫呢篇野我只係回味細細個時去士多既野食。

生菜魚肉翅 ($14)

呢間野既生菜魚肉翅又叫"雙拼"，我係度坐左半個鐘，睇到10個有9個食客都會叫呢個"雙拼"。佢既特式野，個翅其實無乜特別。食過先知佢個魚肉呈膠狀，你可能食唔慣，但你孜咁諗，話晒香港仔都係一個比較上似漁港既地方，食店賣既魚肉都係似水上人既食法。食完之後，我都上左癮，想搵日再去食過。

煎腸粉 ($9)

腸粉，平時就食得多，$7/4條，蒸腸粉，而煎腸粉呢個食法已經好少有得食，想食就大多數都去酒樓食，仲要唔係間間酒樓有。呢間野連腸粉都即刻煎出黎，都只係收你$9，貴就貴左少少，不過都acceptable。事關煎都要火侯，佢煎出黎既腸粉，十足十足酒樓既水準。一間小小既食店，都有咁既水準，實屬唔錯。

炸燒賣 ($6)

炸燒賣呢個小食我細個時係未食過。而近年燒賣整法大致有三樣，蒸、燒、炸。有90%市面上食到既都係以蒸燒賣，蒸燒賣唔可以蒸太耐，太濕唔好食。燒燒賣同炸燒賣個口感相約，外層脆內層暖。炸燒賣既壞處就係油份較多。呢間野既壞處就係整炸燒賣時好多油。如果想無咁多油，可以自行外賣，外賣紙袋係一個好吸油既工具。

呢間客似雲來既食店，唔知會唔會因為港鐵南港島線通車而消失就不得而知。

好：小食既質素唔係十分好，但味道係無乜變過
壞：偏僻左少少

光顧日期：24 September, 2013

地址 : 鴨脷洲鴨脷洲大街42號舖
Openrice : http://www.openrice.com/restaurant/sr2.htm?shopid=3180