窮人想食平野，一定要周圍search下，咁先可以食得到平野。有D食肆都好好，午餐Menu同晚餐Menu收費係唔同，有機會差好遠。落到銅鑼灣想食好野，有時就真係要用D錢，為左唔好用咁多錢又可以食到好野，午餐就食豪D。加上星期六日有時唔想留係屋企，行下街食個飯就又一日，午餐搵間好食既，當係獎勵下自己一星期既辛勤工作。
韓雅林呢個名，你可能未聽過，但你不妨上多幾個BLOG，睇下人地有幾多好評，就知佢出名係牛，同埋貴，一個晚餐可以收你$200~$300。但佢收得你$200~$300點都會俾番D好野你食。我都Search 過，佢個午餐係$100有找，價錢同晚市差一大截。
如果你Order 以下三款烤肉 [雜錦燒烤(二人份量) $190 / 牛仔骨 $70 / 牛肋骨 $95] ，你仲可以自己燒，我呢D窮人就當然揀個平既黎燒。兩個人去，點左一份牛仔骨烤肉$70同一個傳統石頭飯$73。佢即時幫我開著左個爐。
泡菜兩個人去，佢都有俾成8碟我地，未食正餐時望落都已經飽飽地。
泡菜之中之薄餅最正，平時出面街，韓式薄餅可以分折一碟作為一客正餐，但韓雅林佢以泡菜牙式咁提供，即時覺得抵晒。
今次推介 ─ 牛仔骨 ($70)
點解話推介，就係因為舊肉好Juicy。平時韓燒，自己燒既話，有機會Overcook 舊肉就唔好食，又話者唔熟。呢間野既牛仔骨好食之處在於Overcook或燒一燒都好Juicy，肉汁都好易鎖住係舊肉度。話雖一客得4塊牛，但你都可以試下點燒法。我都好想知佢點整到咁。
睇Openrice 既Comment，好多人都話石頭飯好食，但我食完，又唔係好覺佢十分正，只係正常野，不過佢Sell Service，你Order左傳統石頭飯，佢會有個Staff 幫你搞同撈，你想要幾多辣醬的話，個Staff會幫你加埋。另外，出面街食開既石頭飯，有時個石頭鍋好熱，所以好易痴底，但呢間野佢又唔好多油，但d飯又痴底咁先勁。
傳統石頭飯 ($73)
食完正餐，佢仲有雪米滋送，兩個人去都係$157埋單，如果平時夜晚食，呢個價錢真係食唔到。
佢個Lunch 既供應時間去到3:00pm，如果係想食就要預早d時間，呢個連Openrice 都無提過。
留意事項：營業時間
好：野食燒物可以好juicy & Service 都好好。
壞：如果想食好野就要較arm 時間
光顧日期：15 September, 2013
地址 : 銅鑼灣軒尼詩道489號銅鑼灣廣場一期6樓
Openrice : http://www.openrice.com/restaurant/sr2.htm?shopid=15114
沒有留言:
張貼留言