人均消費：HKD$45
食甜品食左咁多年，真心講句，有時食甜品仲貴過食正餐。但講左好多次，我都係會繼續食，唔太理會個價錢。
甜品顧名思義係要甜先好食。但甜得黎又唔好太膩，人就係咁矛盾。言歸正傳，講番間野先，做餅師傅有10幾個，一間細細間鋪但入面有咁弘個Staff，心知間野要為皮，D野一定唔會太多，仲要貴先可以養得起咁多人。Service 當然唔少得，一入門，個Waitress 就即時Serve 你，仲要用部ipad 介紹D野食，有埋相，Wonderful，但有時呢D圖片都係僅供參考。因為張圖影得好靚，同埋無Scale ，你唔會知真正Size 有幾大。我就咁就中左招喇。
今次推介食物只有一款 ─ Tiramisu
呢個 Tiramisu ($45) 用左分子料理既方法去整，上檯時第一眼Really 好似一盤盆栽，有葉有泥。賣相就已經俾佢100分。好有心思，點都要讚兩句，個師傅really 有諗頭，將兩樣野放埋一齊。
口感：佢既口感係一流，頂層有薄荷葉；上層有脆朱古力、杏仁碎、餅碎；中層有咖啡蛋糕；底層有麥芽糖、爆炸糖。聽落就知layer 係唔會差。脆朱古力、杏仁碎、餅碎係比較硬既，都要用牙咬下；咖啡蛋糕，係成個Cake 敗北之處，就係唔夠甜，完全唔夠咖啡味，好淡，甜品唔甜可以點；爆炸糖唔多用係甜品，唔知係唔係個師傅睇左低俗喜劇後諗出黎，爆炸糖係個口度炸下，食完一啖想繼續食。
大細方面，我用左部iphone 4 黎做scale ，咁盆栽就唔係好大杯，仲細過乜，我眼見好多人寫BLOG 都好少用實物比對個Size，睇下圖就知道兩個人食係一定唔會夠，所以想Share 食就唔洗諗。但千祈唔好信佢ipad show 出黎既相。《圖片僅供參考》
好：賣相，真係超似盆栽，有Heart 去整。口感上，在材料方面用上爆炸糖
壞：份量太細，咖啡同蛋糕味道十分淡，好難試出真味
簡評：諗頭+層次-正，只係甜品唔夠甜，靠賣相搭夠，尚算中上。用$45試一杯。相機同人都ok。Acceptable！
光顧日期：6 April, 2013
地址 : 元朗鳳攸南街9號好順利大廈地下2號
Openrice : http://www.openrice.com/restaurant/sr2.htm?shopid=116125
沒有留言:
張貼留言