出街食打只有好評係唔得，有時食到唔好食野既野都要分享，提醒你唔好幫襯，一間唔好既野都有少少可取之處。呢間野一打開 Menu 都知貴野，不過有人請，咁就算啦，不過我只講呢餐平均$200/人，我之後去左老麥食左成個餐。可想而知呢餐飯，我食無咩野落過肚。如果你想屈人請食飯既，呢間都屈得過。
一開波坐低，椅都未坐定就黎9碟份量不少泡菜，有泡菜、2碟芽菜、薯仔、豆、椰菜、青瓜、茄子、同粉絲。可能我唔係韓國人，我真係食唔出有咩咁特別。如果你話一餐韓國菜，佢又offer 到咁多碟泡菜。只可以話佢有D正宗。不過 Quality 全部都係普通野。
牛肋骨煲
睇個Menu 成舊幾水一個。有人請，無理由唔食姐，一上檯，「SaSa」聲，因為佢用石鍋上檯，加上D熱湯，佢「Sa」左一陣。大家先起筷。睇一睇個煲，骨就大把，肉就得幾舊，細佬有幸食到舊肉既少少，好熱食個味真係OK架，個肉索晒D汁，好入味，又唔係好咸。不過個份量就唔好提喇。
炒年糕
都唔平，又係舊幾水食舊年糕。呢個話晒都叫做大份少少，又未至於食風落肚。我平時掃街都有食開個蘿蔔糕，出面蘿蔔糕一向都係成舊粉咁放落鑊煎，今餐釜山都唔例外，佢都係一大舊粉咁放落去。咁唔真材實料，食舊粉落肚仲要收成舊水。係咪真係要諗諗。
評語：
發左達先去幫襯
光顧日期：28 August, 2008
地址：尖沙咀亞士厘道29-39號九龍中心地下
Openrice：http://www.openrice.com/restaurant/sr2.htm?shopid=877
沒有留言:
張貼留言