安安燒 (試完即走無下次)

人均消費：HKD$48

安安燒，呢間應該係食串燒，間野係旺角都好多人排隊，我心諗應該唔差。但食串燒，我份人好大食，驚唔夠飽。其實我睇左網上好多食評，其中一D食評都推介呢間既芝士撈丁，咁我今日見有時間我就過去試一試。佢價錢上面都要成$50蚊，款式都唔係好多咁，局住食一個小試牛刀啦。

惹味鰻魚汁三重芝士撈丁 ($48)

宮葉 パフェ (男女朋友就腳甜品店)

人均消費：HKD$50

呢間新開既餐廳其實都幾好，因為佢既有晚餐同甜品，咁如果你係細食既人，一個晚餐2個人Share 之後仲可以食個甜品作結，堅係唔錯，佢仲要係旺角，我日頭工作已經要OT，想約娘娘食飯加甜品一餐過，呢間正合我意。

今次推介 ─ 綠茶窩夫 ($50)

丼家 (小店刺身丼)

人均消費：HKD$86

我好少入去元朗，今日入到去元朗，當然係要搵餐好食，小店係首選。我去呢間前都睇過openrice，睇過下佢既圖片，見佢又近元朗西鐵站，行過去都係五分鐘嘅事，加上openrice上面嘅comment都唔係好多，都仲未俾人煲，D comment 都係可信。

今次推介 ─ 蝦皇丼 ($86)

出羽櫻鐵板料理 (紅磡一個選擇)

人均消費：HKD$61

有時行過新世紀廣場，見到即場表演鐵板燒，集團式經營都要差唔多50-80蚊，你會可以覺得都唔係太貴，但一D小店，都係60蚊，其實都唔貴。今日準備去紅磡睇煙花前，點都要醫肚，求其搵間食左佢。仲有佢門口都有特價餐，我又唔覺得好貴，咁就入左去。

香草雞扒 ($61)

炎天丼 (平正天婦羅)

人均消費：HKD$50

今日踩單車時經過呢間大埔新開既日式天婦羅店，佢Lunch 都唔少人，咁我就夜晚還車後再食。結果，Dinner 時都係咁多人，佢間舖都唔係大，只係得幾張檯，所以等位就耐左少少，我就坐Bar 檯，可以睇住佢點炸天婦羅。

樹屋泰菜 (街市串燒)

人均消費：HKD$66

兩個人食飯，相約係旺角，成個旺角都好食同平既都係到厭，好辛苦咁搵埋，最後上左熟食市場，話晒都係熟食市場，點都有野食，不過好唔好食又係另一回事。今日我就去左間泰式野，舖面同其他都係差不多，但佢D椅係木造，同其他店好唔同，我又見到佢又係好大鑊氣，咁就幫襯佢。

今次推介 ─ 燒雞全翼 ($42)

津津食店 (西環無乜野好食)

人均消費：HKD$42

當一個區無野食，只要你有食店，佢就已經可以係當區既美食，呢個可以用地利解釋。就好似今日，我夜晚去到西環，就openrice 下有乜好食，見呢間有唔少好評，就入左去，心諗$40幾蚊就有好野食，我好有期望咁等食。雖然都只不過係食個豬扒雞翼飯，不過最終都係失望收場。

皇牌飯 ($42)

鐵牛台灣牛肉麵 (偽臺灣風情)

人均消費：HKD$58

呢間嘢喺尖沙咀剛剛新開張，我仲見到謝偉俊，佢食左乜我就唔知。話晒都係新開張，都要排下隊。我都等左3分鐘先有位，我見係星期日，已經唔係遲入座。其實我離座之後，見到有更多人要排隊等更耐。不過我覺得可以唔洗排。

鮮蕃茄鹽酥雞麵 ($58)

煙燻玉子燒 (玉子燒好好儂)

人均消費：HKD$32

呢一間位於荃灣嘅煙燻玉子燒店其實都係比較上係另類嘅小食，有別於香港嘅魚蛋燒賣，呢個玉子燒多啲手工嘅，比較上有特色DD，唔洗咁清一式魚蛋燒賣。就係多左個煙燻。

今次推介 ─ 櫻花蝦玉子燒 ($32)

呢間鋪頭都係新開張，所以好多人排隊咁，我就等左大概十五分鐘，你可以一面睇住佢點整，其實睇既過程都幾開心下，睇住佢一層一層咁樣整上去，堅係日本玉子既整法。仲有櫻花蝦、原味、蔥味、明太子。我都鍾意食櫻花蝦，貪佢個味夠，同相對其他味，櫻花蝦都唔錯。個玉子燒係佢會先整好玉子燒，跟住之後再加一個煙燻咁你，食前要你等三分鐘仲香煙燻味。

禾稈草主題餐廳 (好似Cafe咁)

人均消費：HKD$36

如果你喺旺角太子搵間cafehea嘅話，$60-$70先有得落樓。今日，我發現到有一間嘅主題餐廳，其實佢嘅環境及裝修，都可以媲美Cafe。但你只需要俾個普通下午茶既價錢$36，你就可以hea成個下晝，論佢既環境同野食，真係好抵，今日仲要係星期六日，落雨最好就係咁hea。

呢間餐廳位於太子同埋深水埗交界，其實由旺角行過去都係20分鐘，好過去Cafe。

干炒牛肉公仔麵 ($36)

為食雞小廚 (特式肉餅)

人均消費：HKD$46

呢間餐廳叫為食雞，但佢出名唔係雞，因為我聽人講佢哋雞都比較鞋身。 但佢個肉餅飯，反而有驚喜，所以我就今次專登去食佢個肉餅飯。佢個肉餅飯，好似榮式雞扒嘅蓮藕餅飯咁。

咸魚茸肉餅飯 ($46)

醉瓊樓飯店 (出名平靚鹽焗雞)

人均消費：HKD$30

將軍澳冇乜嘢食都唔係新聞，所以專登走落去油塘搵平野食是常識吧。呢度附近有打冷同其他野，都係好平，由於附無乜大商場，所以食野都唔會好貴。

醉瓊樓飯店其實佢有幾間分店，間間都係出名食鹽焗雞，咁當然一場黎到，點都要食番個鹽焗雞飯，但一望個Menu，晚餐價都係$30一碟，想點呀，燒味飯有時都未必做到呢個價呢何況係一餐大少少既餐廳。睇晒成個Menu，佢大部份都係$40有找，我要講三次，晚餐都係$40有找，晚餐都係$40有找，晚餐都係$40有找。想點。

鹽焗雞飯 ($30)

牛肉拉麵 (即叫手拉北方麵)

人均消費：HKD$32

紅磡近期開左一間新嘅即叫即拉嘅北方拉麵，個師傅會喺你面前即叫即拉，咁你可以要闊面，可以要幼面，可以要粗麵。佢嘅價錢都係三十幾蚊就有交易，絕對唔貴。喺紅磡呢個地區呢計呢間都算平。

今次推介 ─ 牛展麵

Ufufu Cafe (抹茶可以食過第二間)

人均消費：HKD$74

呢間ufufu cafe係日本都出名既Cafe，佢係香港同澳門都開咗分店開業初期排隊就一定架喇，但佢已經可以俾你Book 檯，呢個唔係好多人知可以咁做，同埋Book 檯，你問佢係咪有兩杯凍茶送。咁你就唔洗自己Walk In 去等，因為Walk In 係分分鐘下晝3點去佢已經話要等到6點，好誇張。我就唔Suggest 你去等位，如果你真係想去呃個Like。

抹茶芭菲 ($74)

科記咖啡餐室 (豬扒腍而不肥)

人均消費：HKD$52

豬扒飯其實大部份香港人都應該食過。點整豬扒飯其實有好多種唔同既方法，有煎有炸有炆有焗，整出嚟都各有各好食。有d仲會大件夾抵食，不過呢間就唔係太大件出名既，佢只係塊豬扒腍姐。

其實喺上環附近，如果你想食一個正常嘅午餐，其實三四十蚊都有交易。不過科記佢收緊成50蚊，相對就貴左少少，不過你又咁諗，佢既金牌豬扒飯都幾正，加上佢又早收，想食都唔係有錢就有得食。

今次推介 ─ 金牌豬扒飯 ($52)

問卷手卷專門店 (唔貴海膽手卷)

人均消費：HKD$35

葵涌廣場近期開咗差唔多有成四間專賣日式手卷壽司既舖頭，佢哋其實都係以平為主，一個海膽手卷可以係30零蚊就有交易，相對去尖沙咀銅鑼灣要成四五十蚊先有交易，葵涌廣場係比較抵。

其實今日我幫襯咗兩間嘅手卷，第一間係二樓，我就唔開名啦，不過係新開張既，我都係覺得呢一間係地下嘅手卷比較好食。

問卷手卷其實係開咗都好一段時間，都唔係新開落去葵涌廣場，但係宜家食正海膽手卷呢一股熱潮，佢就突然好左多客。

今次推介 ─ 海膽手卷 ($35)

泰越南 (乾身炒粉絲)

人均消費：HKD$48

係上環皇后街，之前有個好舊式既街市，而家個街市重建後加入左d大排檔，有唔同國家嘅菜式，好似泰菜，印度菜，意大利菜。呢個街市翻新後，佢都十分之舒服，入邊嘅衛生環境都好好乾淨，亦都唔會有水漬。

今次推介 ─ 泰式炒粉絲 ($48)

呢個街市入面有一間係食泰國同越南嘢，今日我就食左一個泰式炒粉絲，因為泰國嘅泰式炒粉絲同埋泰式金邊粉，粉絲嘅口感會比較上細同入味。

九拾後 (屋企風味煲仔飯)

人均消費：HKD$38

你聽過名叫做90後，你可能以為係一班90後開嘅餐廳，咁你就大錯特錯。其實呢間餐廳係由師奶開嘅，仲有少少屋企風味。佢既價錢定位都比較上適合。佢一個煲仔飯都係三十幾蚊，相對起永合成，四季，坤記呢d出名嘅煲仔飯，呢間的而且確係好平。窮人恩物。

今次推介 ─ 窩蛋牛肉飯 ($38)

DTC (小島風情擔擔麵)

人均消費：HKD$33

今日嚟到呢一間餐廳，佢既處理人之前係北京餃子園做，佢無做之後自己出黎開呢檔嘢。你可以話佢好有經驗係處理餃子方面。你入到間餐廳，其實都唔係好大間，可以話係小本經營，加上老細都請左好多年青人打理，以一間新開張既餐廳計，佢都算唔錯。

小店到其實容納唔到10個客，不過好在乜都係即叫即整。

三色牛肉餃+擔擔麵 ($33)

鮨一日本料理 (太和日式小店)

人均消費：HKD$70

行完山後最好就係食番個正飯最好，一係出大埔，一係出太和食。其實太和火車站附近翠怡街成條刦都有好多野食，呢一帶翠怡街都係小店居多，有茶記同呢間日本野，呢層我最Like。宜家正值夏天，食乜都唔係食好多，食少少就飽，食日式野就最好不過。D野又唔太熱。

今次推介 ─ 花什錦魚生飯定食  ($58)

鹿兒島餐廳 (平絕北角)

人均消費：HKD$25

今時今日你想要食野，其實想平就真係要下午茶時間食，只要係肯留意身邊餐廳既收費，唔洗盲目去幫襯D貴野。就好似今日咁，我途經北角，周圍搵下野食，原本諗住上渣華道街市食，但見到對面茶餐廳都咁平，都唔洗行上街市食。

一個餐，$25，有一碟廈門炒米仲有杯野飲，如果要求唔太高，呢個不失為一個平之選。佢既份量係足夠一個正常人既Lunch。

南山軒 (奶茶冰條完支上)

人均消費：HKD$48

出街食飯時你一定試過餐飲轉凍飲，但要加$2，佢就加D冰塊俾你。如果慢慢飲的話，你未飲到底時，杯野已經淡晒。

今日我食呢間野，佢既出名野就係奶茶冰，用奶茶整冰，成條冰條咁，佢又唔係收到你好貴，你只要叫一個普通餐，餐飲奶茶加$2轉凍飲就可以飲到。一D都唔貴。佢一個Lunch 都係$46，轉埋個奶茶冰都係$50有找。

今次推介 ─ 奶茶冰

瘋鳥 (有榻榻米既Cafe)

人均消費：HKD$130

作為一個偽文青，點都要去D Cafe hea 下咁先似樣，叫番杯野飲就坐足一日。其實Cafe 特式係貴夾唔好食，但只係食個環境。呢間都唔例外囉，不過諗到下次同女神出街，做兵仔既都想娘娘坐得好，自己先試下d野食。另外，呢間仲有榻榻米，啱晒鐘意日本風既囡囡。

間餐廳就係暗左少少，不過好似酒吧咁黑，我咪又係死心俾錢佢地賺。黑黑地環境先好。

日式南蠻炸雞 ($50)

鐵板先生 (即叫即炒鐵板餐)

人均消費：HKD$46

係香港要搵D平既又好食既地方就真係愈來愈難，更何況係有特色野食，我今日去左山林道食，好明顯就係受謝安琪影響啦。呢條街好多野食，由街頭行到街尾都係野食，原本想食刺身，不過佢無開，我要搵野食，見到呢間鐵板餐都係$50有找，可以一試，唔好話乜，鐵板餐都係呢個價，連Moko Food Court 都唔得啦。

我呢D平時好鐘意睇佢點整野食既，我一定坐師傅對面，咁可以觀察佢一舉一動。我見師傅起勢咁炒菜，再望下個Menu，原來每個餐都有炒菜，不過佢又炒得幾有鑊氣。

今次推介 ─ 甜汁金菇牛肉卷 ($46)

肉餅哥小炒料理 (咸左少少送飯一流)

人均消費：HKD$68

我諗起肉餅，就第一時間就諗起民聲冰室個肉餅山。但之前蘋果太陽都賣過呢間野，一間餐廳只整肉餅。我又覺得佢咁有Heart 獨整肉餅呢味野，好多味道都唔係其他地方食到。咁就促成左今日一試，我係正常晚飯時間去，佢都好多客人，都唔可以即去即有位，我都等左15分鐘先有位。

蝦膏蟹蓋肉餅飯 ($68)

佢有兩個都出名，一個係龍蝦，另一個就係蝦膏蟹蓋肉餅飯，我就叫左後者。

拉麵天王 (湯底正)

拉麵天王 (湯底正)

人均消費：HKD$69

今晚我成8點幾先去到紅磡食飯，紅磡係好多野食，但見到間拉麵，即時Openrice 下佢，佢都唔多人劣評，所以我都照去試下。我睇一下個Menu，佢都係$70左右可以埋單，咁都唔算貴，都係一個可以接受既。

今次推介 ─ 白天王 ($69)

我食完呢間拉麵後，好出奇地無乜人介紹佢，但佢個湯底真係幾好味，舊叉燒又唔肥，加上佢既價錢又合理。

東京食堂 (野食多用微波爐番熱)

人均消費：HKD$92

早排，呢間野畀幾個Blogger 打佢有幾好食，仲要甘埋雜誌，好似好正咁。我之前都去過，都見到好多人排隊，可能間舖好細，所以容納唔到咁多客，今日我俾時間佢等。好，我一入餐廳，見佢個價錢Compare with 尖沙咀又唔太貴，以佢既格調，其實都係一般。我自己一個人食，都要$92埋單，我自己都覺得有少少貴。

講真佢個煮法我唔係好Buy，佢用微波爐叮叮黎煮既比重都好高，我睇佢煮幾檯野都係叮，唔係煮，咁佢即係一早整好左，然後番叮，聽阿媽講微波爐食得多都唔健康啦，咁我做乜俾成$100食叮叮野，不如食波仔啦。我仲要坐Bar 檯，睇住佢係咁叮叮好方便咁。

蟹肉忌廉薯餅 ($24)

The Big Bite (超辣雞翼)

人均消費：HKD$54

想食超辣野，就一定係東南亞人主理既先好食，我自己都係食得辣之人，聽朋友講北角有辣雞翼，佢有賣酒，就話去挑戰一下，呢間野都有勁食辣大賽，不過都係d勁人先好去挑機。

今次推介 ─ Buffalo Wing $54/6pcs

魚鮮生刺身專門店 (灣仔午市唔多人但有質素)

人均消費：HKD$68

我返左工咁耐，我都係覺得灣仔有好多唔同野食，你想要貴，佢有貴，想平食，都有。今日我就去左食刺身飯，佢都唔太貴，一個Lunch，唔包野飲唔洗加一都係收緊$68。你可以同出面既$60 飯做比較，呢間都唔錯。餐廳位置同入面都ok啦。佢大部份野都係可以$70內搞掂，以一個Lunch 計，佢都OK。

今次推介 ─ 帶子三文魚定食 ($68)

順興海鮮飯店 (即炒粉麵)

去到大嶼山梅窩你都可能會想食一d地道記小食或者係茶餐廳。今日我去到梅窩熟食亭，入面有兩間大的餐廳，其中一間都係可以$50蚊有找。係梅窩食$50野，其實個份量相對於市區食既係多好多，兼足料。仲要因為佢係專登為左你而炒個麵，脆麵身就更加好食。

其實一個人專登坐船入梅窩食個炒麵，望下個海，吹下海風，唔洗一定去行山，都可以洗滌一下心靈。話晒梅窩又未至於長洲咁旺，但又好過南丫島咁單一，所以都值得一去。

人均消費：HKD$48

今次推介 ─ 肉絲炒麵 ($48)

Bee Japanese Curry Shop (小丸子正過街邊)

人均消費：HKD$27

食小丸子係旺角街邊食都要成$23/6粒，相對魚旦燒賣其實都已經唔係平，但今日我去到銅鑼灣Sogo 時，見到有Bee呢間餐廳，佢既小丸子都係$27/6粒，仲要係埋單價。性價比都遠比街邊優勝，俾座位你坐都係俾多$4，又係即叫即整，上檯時都係熱的。

今次推介 ─ 小丸子 ($27)

賣相：同一般小丸子差不多，又唔太燶
價錢：$27 vs $23 ，今次好抵
座位：俾$4就有得你坐，仲平過老麥
質素：街邊既每粒小丸子入面有1 粒八爪魚，今次每粒小丸子入面有2 粒八爪魚，足足Double。

光顧日期：8 March, 2016

地址 : 銅鑼灣軒尼斯道555號崇光百貨地庫2樓
Openrice : http://www.openrice.com/restaurant/sr2.htm?shopid=12735

我個Facebook 會經常Update，可以Like 埋。 Facebook Link。

天天旺 (超足料魚生飯)

人均消費：HKD$45

我寫左咁耐野，發覺寫日本野係最多人睇，有見及此，我都唔可以忽略呢個菜式，今日我就搵到去太子，呢間野一睇個Menu ，我即有衝動去幫襯，佢就係可以Dinner 做緊$45，仲要唔洗加一，咁仲諗乜，心動不如行動。呢間野其實佢有兩層，一層做放題，一層做散叫，佢既放題要成$298，都係貴，俾我就食大X屋。不過散叫就堅平，$45都有交易，唔收加一。

今次推介 ─ 什錦碎魚生飯 ($45)

我就叫左個什錦碎魚生飯，有前菜沙律同魚生配飯同飲品。佢個魚生先係勁，好似完成唔洗錢咁，有蟹子，三文魚同吞拿魚勁肥美，個飯既份量都好大份，我都係一個大食既人，我食完都覺得好飽。

佢散叫既座位唔係咁多，同埋佢開個冷氣開到好凍，如果要去就記得著多件衫。

飯意主題餐廳 (平價又抵食熔岩飯)

人均消費：HKD$48

自韓國芝士既登陸左香港，其實都有為數不少既餐廳有得賣，一般都要過$100，我呢D窮人又點樣唔搵食，上幾星期睇雜誌知道深水埗開左間芝士熔岩蛋醬飯，仲要$50有找，我仲即時仆過去，點知好多人比我早知道，所以要排勁長龍，我又當然唔排啦，等到直至今日，一放工即仆出深水埗，好在早到，所以唔洗排隊，呢個好明顯係策略，呢間係小店，座位數量唔係好多，多人一齊都唔係咁適合去。如果大家唔想排隊，就最多4人一齊，但要早去就得。

今次推介 ─ 芝士熔岩蛋醬飯($48)

呢間野都幾花巧，個芝士熔岩蛋醬飯上檯時先會上左碗芝士同蛋醬先，等一陣就上埋個飯，有專人即時係你面前撈下撈下，三兩手勢就將個芝士同蛋醬撈好落個飯，仲可以拉絲。

海傍陳記 (仿古店一般都係得個古字)

人均消費：HKD$34

手撕雞飯 ($34)

自地鐵去到西環後，一個舊區既舊式小店都消失左唔少，貴租已經成為左主因，仿舊店見生意好開下一間開下天一間，佢地用既地磚或牆紙都係舊式少少為主，連鎖就有間瑞士xx，羅X記，佢地都係Sell 懷舊，不過野食就一般都係麻麻地。

呢間海傍野就都係同D sell 懷舊野差不多，佢個飯都唔係一D咩咁特別野，不過佢勝在夠平，一個手撕雞飯都係講緊$34，都叫做抵食。

醒記美食茶座 (金茶王只有奶茶好)

人均消費：HKD$13

醒記，呢間野都係出名野，出名既係奶茶，仲要上晒報紙攞過獎，老細仲要好開心咁Share 佢沖茶既方法，但講到檸茶點先好飲呢，就唔係咁多人提，維x檸檬茶都會話澀得起就係我，明顯就係要茶底夠澀。我個人一向都prefer 檸茶多D，因為夠澀，就係咁。但今日黎到咁出名奶茶既地方，我都叫番杯檸茶，好明顯我係挑機。今次都係$13。

呢個地方其實睇地圖由太和火車站行過去就好快，如果坐的士就超遠，只要落火車，穿過太和廣場，向鉛礦坳方向行，五分鐘左右就到，其實路在口邊，唔識就問人。

凍檸茶 ($13)

阿來泰式地道風味 (炒野一流)

人均消費：HKD$48

自從自由行帶旺晒個旺角後，有連鎖同Food Court俾班自由神。本人就鐘情小店，唔理旺角定牛頭角，都要有Sales 去Serve佢地。Sales 食乜某程度上都係一個指標係平或好食，我今次都係聽人講話好食，就去試，食完就覺得自己會encall。

我見呢間平平地，一個餐都係$50有找，仲要晚餐都係咁平，咁先開心

今次推介 ─ 泰式少金邊粉 ($48)

尼斯餐廳 (老店西餐)

人均消費：HKD$65

尼斯餐廳其實就好多讀HKU既朋友都應該食過，佢同沙X娜一樣出名，就係正正佢地兩間都係食扒既，不過沙X娜就近學校多D，尼斯就係平少少咁，各有各好。我自己就當然覺得平既就食學校Canteen，有時Quality 都唔會太差，只係無乜味咁，又唔係個個都受到，所以尼斯又可以提供到唔太貴但又好少少既餐廳，所以都會去下架。

發育期一般學生都係大食，做得學生生意既，呢間餐廳既份量都係大份DD，如果唔係D學生都係唔夠食。尼斯都係比較Size 大，一個Set，有蒜蓉包+飯+甜品同餐飲都係$65，佢都算係幾有良心，俾足料。

白汁牛利飯 ($65)

協香麵包西餅 (賣相幾獨特雞脾包)

人均消費：HKD$8

今次推介 ─ 雞脾包 ($8)

一個雞脾包，呢個包其實係一間粉嶺麵包店整出黎，而唔係餐廳。佢都只不過係$8，係由一隻雞腿+個豬仔包組成。你話貴就一D都唔貴，你係市區想食隻雞腿想用$8食到都係發下夢好喇。呢間麵包舖可以做到咁平，又咁有創意，I Like it。

不過佢既賣相都幾得

博多拉麵別天神 (名聲大食物一般拉麵)

人均消費：HKD$75

豚骨湯麵 ($75)

銅鑼灣其實都有好多拉麵，登龍街又有謝非道亦有。近日拉麵熱潮已經俾好多其他野食蓋過晒，不過我為左搵更多好野食，我都會繼續試下。

講番別天神先，佢有有兩間分店，之前兩間都好多人，成日排晒長龍，睇人地既Comment 其實都係好壞參半。我自己食完後又唔會話唔好食，但佢呢個價可以話係合理。佢輸係個湯底同麵身。

中國冰室 (電影拍攝場地)

人均消費：HKD$38

呢間冰室係香港其實都係一個比較舊式既冰室，香港已經買少見少呢D地方，電影拍攝到一D舊既地方，少不色去呢D冰室，如果你抱住個心態係慢活又或者係想去懷勉過去，呢間佢絕對係好好既餐廳。佢有舊式吊扇，舊式樓梯，舊式傢俱，舊式牆磚同地磚。

一入餐廳，你會有個好唔同既感覺，出面係繁榮既旺角，轉入一條小巷就已經係舊式餐廳，對比相當大。亦都係呢間餐廳既特色。我今日都係餐廳入面坐左成兩個鐘，佢又唔會嘈你，望住吊扇慢慢食。正。比起一般Cafe，我自己就prefer呢D餐廳。

牛肉炒麵 $38

君御燒味 (充滿蜜汁超Juicy叉燒)

人均消費：HKD$20

今次推介 ─ $20叉燒外賣

叉燒其實你又點會未食過，一舊正既叉燒，一可以堂食，即切即食，肉汁最Rich既時候食，你亦都可以外賣拎走，最常就係$20叉燒拎走。

不過有時D叉燒乾身D就好易柴皮，想舊叉燒腍，一定要加汁，有好多舖頭都會以豉油充當係汁，但其實咁唔係咁好，一來會好咸，二來會搶左舊叉燒既味道。

呢間位於天后既燒味店，佢既外賣叉燒係加勁多蜜汁俾你，等你拎回家時都會腍，但又唔會太咸，蜜汁甜甜地，舊肉就更Juicy。

正宗山西刀削麵皇 (刀削麵超正)

人均消費：HKD$38

講下無聊野先，刀削麵其實係先整好一舊麵團，然後用刀，削下削下咁，今時今日，刀削麵都有部份係用機器整，789屋都有得賣，但同大陸既又好唔同，刀削麵話晒都係中國起源，所以更加好食既美食都在民間。

荃灣呢間正宗山西刀削麵皇已經係區入面好出名，好多人幫襯，星期六日食飯時間更加大排長龍，一來佢又唔貴，二來佢既麵食正。

五香牛肉刀削麵 ($38)

熊築地 (銅鑼灣都有手卷)

人均消費：HKD$19

上排講到街知巷聞既外賣手卷，以足料同平出名。宜家銅鑼灣都開左間外賣店。呢間個格局都似係主打手卷同刺身，新開張初期仲有特價生蠔，$12/隻，一買就要半打咁上，不過質素就麻麻地。

相對之前都介紹過有兩間出名嘅手卷計，呢間既手卷都尚待改進。


印包括係紅磡幾勁回味紅米中有葵涌廣場嘅手捲勾地兩間都做得幾好同埋幾平今次去銅鑼灣見到一間新開既外賣店去都係主打小卷

今次推介 ─ 海膽手卷 ($19)

聖安娜餅屋 (油爆抹茶)

人均消費：HKD$13

抹茶生意太好賺，XX上茶又推咩抹茶菠蘿包，抹茶撻，平時已經見到美x，x海堂有抹茶卷蛋，呢期聖安娜都推抹茶產品，包括抹茶卷蛋同抹茶蛋糕，見佢一件Cake 試食價$13，加上佢又唔係好深綠色，所以就試左，中伏了。

榮記粉麵 (湯底超入味車仔麵)

人均消費：HKD$45

今年米芝蓮都開始公開入圍街頭小食，有間荃灣車仔麵都入圍，果間我嫌佢太細碗，份量唔夠，不過唔係我食呢間，今日食呢佢係銅鑼灣都係出名野，出名貴同出名個湯底入味同個雞翼尖加埋大腸，佢亦都係出名貴，一個車仔麵都要成$39，如果好似我咁，衰口渴，加多左罐汽水咁就$45。不過咁講，佢既雞翼尖又寅係好腍，雞皮都唔錯，之前食話，但無影相出黎。相反，今次我就飲埋D湯。

你可以由下圖睇得出碗麵既湯底都好濃，佢既湯底比起好多牛腩汁都濃，仲要係好味。好似日式拉麵咁，個湯底吊起成碗麵既Quality，跟埋豆腐卜食就最正。

講番份量，今次食，我超夜去食，由下晝餓到十點，呢碗麵既Size 相當ok，唔少野。

光顧日期：4 November, 2015

地址 : 銅鑼灣糖街27號A地下
Openrice : http://www.openrice.com/restaurant/sr2.htm?shopid=11415

我個Facebook 會經常Update，可以Like 埋。 Facebook Link。

廣成魚蛋粉 (冬菇味既雲吞)

人均消費：HKD$21

香港人食雲吞其實都已經愈來愈奄尖，我自己都已經要周圍去搵先搵到好食既雲吞，今日就入到大埔廣福邨，呢間係好多單車發燒友都常去既餐廳，因為呢間野小食亭，可以泊單車既，食飯落腳順便休息然後再去大尾篤。冬天無冷氣都唔大問題，但夏天就唯有等佢開牛角扇。

講番野食先，佢既出名係魚蛋同雲吞，但我自己一個人無可能食晒兩款，只好叫左一碗淨雲吞，加上我之前都食過香港仔魚旦，彈牙程度我又覺得呢間唔及香港仔魚旦黎，再者，我聽同檯既伯伯咁講話唔夠彈牙，我即轉軚食雲吞。

生煎包點心專門店 (厚粉量足價平點心店)

人均消費：HKD$37

今日去到筲箕灣，諗住搵間好食既餐廳食啦，有一個方法係杜x風都agree，就係睇下佢多唔多人幫襯為指標，我見呢間生煎包專門店其實好多人去，諗住無死錯人啦，成班老一輩人士幫襯，都係貪佢大件夾抵食，所以就好多人去幫襯。

佢既價錢都唔係好貴，一籠點心都係講緊十元八塊，蝦餃都唔會加價，從價錢睇，佢都算平。另外，佢寫到明，樣樣都係即叫即蒸十分新鮮。作為後輩既我要求當然唔係單單係大件夾抵食，有時都會Compare 埋其他野。

當然食完就有唔同Comment，好似食開添x運後，對點心要求。

小籠包 ($16)

119 Plus (內有乾坤新式韓食)

人均消費：HKD$77

其實我今日去之前都以為呢間係新式小店，見Openrice 有半價Discount就去一試下，一個鐵錘天使麵連加一都係$77，見個鐵錘係新野就去試下，點知係連鎖到無朋友，超多分店果隻，咁呢個價就即時合理晒。就即係咁，呢間連鎖野呢新開張時，佢D野食份量都足，可能都係搏大家好評，但覺得好食先會話好食，呢間野我食完既Comment 係佢好夠味，夠味來自味精好重手，如果大家去食，可以叫佢少鹽。

鐵錘熔岩天使麵 ($64)

蒙麵車仔麵 (料正車仔麵)

人均消費：HKD$38

紅磡區既食肆，唔多唔少都係為左一眾理工大學同學服務，無他既。學校飯堂都係由大型連鎖店玩晒，午飯放Break 都係局食學校Canteen，佢又唔會點平俾你wor，係頹飯先叫做平少少。今時今日Poly學生想搵平野食，就近係紅磡。呢間叫蒙麵既車仔麵店，佢其實係一間小店幾受歡迎既車仔麵店尢其係佢既蕃茄湯，都幾濃湯。

呢間野有一個Selling Point 就係個男廚都幾靚仔，各位可以一去。

今次推介 ─ 蕃茄湯底

可可店 (平民價煎腸粉)

人均消費：HKD$30

煎腸粉或炒腸粉(下稱煎腸粉)係香港其實已經唔係咁容易搵到，事關工序多過一般腸粉，仲要存放期短，所以唔多地方有得食。煎腸粉之所以好食在於燒蕉部份腸粉，令到更加香口，手勢好既師傅當然係唔會炒燶，種種原因下，真係唔多地方有，有D茶樓都會做煎腸粉。

近年酒樓已經興起用點心紙，少左推車仔，煎腸粉呢樣野已經愈來愈少有，取而代之既係玻璃腸粉，來貨既腸粉都已經少左好多，不過都無計。但始終食法唔同，兩者無得直接比較，所以仲可以生存。

可可店最出名既就係煎腸粉加蛋，同埋佢既糖水，尢其夜晚，佢真係堅多客。仲有佢又平，一個飯款都係$30幾蚊，仲可以加$2有支裝可樂，下圖仲有Menu。

今次推介 ─ 煎腸粉 ($14)